ઢોલિવૂડ રિપોર્ટ -2010

મેકિંગ-વાર્તાની દૃષ્ટિએ અલગ ફિલ્મ

લંડનની ભૂમિ પર બનેલી પહેલી ગુજ્જુ ફિલ્મ

આજની પેઢીને ગમે તેવી ફિલ્મ

          2010નું વર્ષ વિત્યુ.. 2011 શરૂ પણ થઈ ગયુ. વિત્યા વર્ષે 61 જેટલી ફિલ્મો આવી અને ગઈ.. પણ દર્શકોને યાદ કેટલી રહી ? જો દર્શકોને ગમી તે ફિલ્મ્સને આંકડાની દૃષ્ટિએ જોઈએ તો આંગળીના વેઢા વધારે પડે. 61માંથી જૂજ ફિલ્મ્સ એવી હતી જે વખણાઈ પણ અને ચાલી પણ. કેટલીક ફિલ્મ્સને દર્શકોએ આવકારી પણ ક્રિટીક્સે નકારી. તો કેટલીક ફિલ્મને ક્રિટીક્સે પસંદ કરી તો દર્શકોએ નકારી. ઓવરઓલ આ વર્ષ ગુજરાતી સિનેમા માટે ન અતિસારુ ગયું, ન અતિ ખરાબ. ત્યારે ચાલો એક નજર કરીએ ઢોલિવૂડ રિપોર્ટ-2010 પર.

12 વર્ષ બાદ કિરણ કુમારની રી-એન્ટ્રી

   
            આ વર્ષે સૌથી વધુ ગમે તેવી કક્ષાની ફિલ્મ બની હોય તો તે ફિલ્મ એટલે મારા રૂદિયે રંગાણા તમે સાજણા.. હિતુ-આનંદી અભિનીત અને જશવંત ગાંગાણી દિગ્દર્શિત આ ફિલ્મ વાર્તાથી લઈ મેકિંગ તમામ પાસાએ ગમે તેવી રહી. દર્શકોના દરેક વર્ગને ધ્યાનમાં રાખીને આ ફિલ્મને સિંગલ સ્ક્રીન અને  મલ્ટીપ્લેક્ષમાં પણ રિલીઝ કરાઈ. જશવંતભાઈએ તો પૂરતા પ્રયાસો કર્યા પણ  જોઈએ એટલા દર્શકો ફિલ્મ સુધી ન પહોંચી શક્યા.

રહસ્યમય પ્રેમ કથા

          રાધા ચૂડલો પેરજે મારા નામનો, પિયુ તારા વિના મને એકલું લાગે, વાગી કાળજે કટારી તારા પ્રેમની ફિલ્મ્સ ચાલી તેના હિરો વિક્રમ ઠાકોરના કારણે. આ ત્રણ ફિલ્મ્સ પૈકી પહેલી બંને ફિલ્મ એટલે માત્ર  ફોર્મ્યૂલા ફિલ્મ. જેમાં વાર્તાની દૃષ્ટિએ નવું કશું જ નહોતુ. હા, એક્શન અને વિક્રમના સંવાદોના કારણે ફિલ્મ્સ બોક્સઓફિસ પર ચાલી ગઈ. પિયુ તારા વિના મને એકલું લાગેથી વિક્રમ ઠાકોર બન્યો ઢોલિવૂ઼ડનો સૌથી મોંઘો સ્ટાર.. કારણ કે, આ ફિલ્મ માટે વિક્રમને ચૂકવાયા 25લાખ રૂપિયા. વર્ષાન્તે આવેલી ફિલ્મ વાગી કાળજે કટારી તારા પ્રેમની ફિલ્મની વાર્તા રહસ્યમય પ્રેમ કથા હતી, આ ફિલ્મમાં એક્શન સારી રીતે ફિલ્માવાઈ હતી. આ લખાય છે ત્યાં સુધીમાં તો  એ ફિલ્મ 50 દિવસ કરતા વધારે દિવસ થિયેટરમાં ચાલી ચુકી છે.

વર્કિંગ કપલ્સનું ચિત્ર રજૂ કરતી ફિલ્મ

           તુ તો સાજણ મારા કાળજે કોરાણી અને સાવરિયા મને લઈ દે હો રંગની ચુડી ફિલ્મ્સથી જગદીશ ઠાકોર પણ મેદાનમાં છે. ગાયકમાંથી નાયક બનેલા જગદીશનો પણ નિશ્ચિત ચાહક વર્ગ છે, કદાચ એટલે જ તેની ફિલ્મ સાંવરિયા મને લઈ દે હો રંગની ચૂડી પચાસ પચાસ દિવસ સુધી થિયેટર પર ટકી રહે છે.

વિક્રમને ઢોલિવૂડનો મોંઘો સ્ટાર બનાવતી ફિલ્મ

                                                                                                                                       12 વર્ષ બાદ કિરણ કુમાર મોટાભા ફિલ્મથી ગુજરાતી ફિલ્મ્સમાં પરત આવ્યા. આ ફિલ્મ વાર્તા અને મેકિંગની દૃષ્ટિએ વખણાઈ. જો કે, સાઉથના નિર્માતાની ફિલ્મ હોવા છતાં ફિલ્મમાં ટોટલ સાઉથ ટચ ન જોવા મળ્યો. તો કિરણ કુમારના કિરદારવાળી વધુ એક ફિલ્મ એટલે મે તો હૈયે લખ્યુ સાજણ તારુ નામ. આ ફિલ્મમાં હિતેન કુમાર-બાપ દિકરાના કિરદારમાં ડબલ રોલમાં જોવા મળ્યાં. ફિલ્મ ચાલી ખરી પણ વાર્તાની દૃષ્ટિએ તેમાં વધુ નાવિન્ય ન જોવા મળ્યું.

નવતર કરવાનો પ્રયાસ

             વાર્તા અને મેકિંગ બંને દૃષ્ટિએ નાવિન્ય વાળી ફિલ્મ ગણાય સૂરજ ઉગ્યો શમણાંને દેશ. નારી કેન્દ્રી અને શિક્ષણની વાતને સાંકળીને બનાવાયેલી આ ફિલ્મ યુવાવર્ગને ચોક્કસ પસંદ પડે તેવી ફિલ્મ હતી. કોઈ જ ફેરફાર વગરની આવી રહેલી ફિલ્મ્સના ટાઈટલમાં પણ ખાસ ફેરફાર નહોતો કરાતો.. હા, આ વર્ષના  નાના ટાઈટલ જોવા મળ્યાં ચંદન રાઠોડની ફિલ્મ્સમાં.. જેમ કે, નાથિયો, કાજલ...કાળી રાત, રંગીલી, સમર્પણ. જો કે, ટિપીકલ લાંબા નામ સાથેની ચંદનની ફિલ્મ્સ પણ આવી જ. ચંદનની જ ફિલ્મ સમર્પણ લંડનની ધરતી પર શૂટિંગ કરાયેલી પહેલી ગુજરાતી ફિલ્મ બની. તો કસોટી જિંદગીની નામની એક અલગ વિષય વાળી ફિલ્મમાં નિશાંતનો અભિનય ઝળક્યો.

હિતેન કુમારનો શ્રેષ્ઠ અભિનય

હિતેન કુમારનો ડબલ ધમાકા

નવા વિષય વાળી ફિલ્મ

            આ બધી ફિલ્મસમાંથી કેટલીક રૂપિયા રળી શકી. કેટલીક ફિલ્મ ખર્ચો કાઢી શકી તો કેટલીક ફિલ્મ્સ માત્ર બની શકી. આ વર્ષે માત્ર ફિલ્મ બનાવવા ખાતર જ નહી બનાવવાનો પ્રયાસ જોવા મળ્યો કેટલાક નવતર પ્રયોગ રૂપે. આ નવતર પ્રયોગ એટલે જન્મદાતા, બેટરહાફ અને મોહનના મંકીઝ. જે પૈકી જન્મદાતા એટલે અત્યાર સુધી જોવા મળેલા તમામ ફિલ્મ્સ કરતા શ્રેષ્ઠ અભિનયવાળી ફિલ્મ. બેટરહાફ એટલે વર્કિંગ કપલ્સની વાત કરતી અને અત્યારની જનરેશનને પસંદ આવે તેવી ફિલ્મ. તો મોહનના મંકીઝ એટલે કઈક નવું કરવાનો કરાયેલો પ્રયાસ. ભલે નવા પ્રયોગો સુધી જોઈએ તેટલા દર્શકો ન પહોચી શક્યા.. પણ આ પ્રયાસો આવનારા વર્ષમાં કંઈક નવું થવાની આશાનો સંચાર કરતા ગયા..