બને ત્યાં સુધી તો સિને સ્ટાર્સ એ બાબતનું ધ્યાન રાખતા હોય છે કે તેઓના કપડાં ગંદા ન થાય કે, તેઓના શરીર ગંદા ન થાય.. પણ કામ તો આખરે કામ છે.. એ માટે તો તેમણે કપડા પણ ગંદા કરવા પડે... અને જરૂર પડ્યે ગોરી ચામડી પર પણ કાળા ડાઘ લગાવવા પડે. આવું જ થયું આપણાં સ્ટાર્સ જગદીશ ઠાકોર અને પ્રતિક પટેલ સાથે. જગદીશ ઠાકોર અને પ્રતિક પટેલ બંને અપકમિંગ ફિલ્મ પ્રિત ના હારે, મહિસાગરના આરેમાં સાથે કામ કરી રહ્યા છે. ફિલ્મના એક સીનમાં એ બંને વચ્ચેની ટક્કર દિગ્દર્શક ગજેન્દ્ર મહિડાને બતાવવી હતી.. અને આ ટક્કર માટે એમણે જે સીન વિચાર્યો હતો..એ પ્રમાણે કામ કરવા જતાં જગદીશ અને પ્રતિક કાદવમાં પડ્યા. !
તમને યાદ છે નાયક ફિલ્મની અનિલ કપૂરવાળી મડ ફાઈટ.. ? એવી જ કંઈક ફાઈટ આ ફિલ્મમાં ફિલ્માવવાની હતી. આમ પણ છેલ્લા ઘણાં સમયથી ઢોલિવૂડમાં કેબલ ફાઈટનો તો ટ્રેન્ડ શરૂ થયો જ છે, એટલે આ ટ્રેન્ડ એક્શન હિરોને ચમકાવતી દરેક ફિલ્મમાં દેખાય છે જ. પણ જગદીશ ઠાકોર અને પ્રતિક પટેલ વચ્ચેની જંગને જબરદસ્ત રીતે બતાવવા માટે અખતરો કરાયો છે મડ ફાઈટનો એટલે કે કાદવ ફાઈટનો. પ્રતિક અને જગદીશ વચ્ચેના એક ફાઈટ સીનને કાદવમાં ફિલ્માવીને દર્શકોને એક્શન સીન કંઈક અલગ રીતે આપવાનો આ ફિલ્મમાં પ્રયાસ કરાયો છે. વળી, જગદીશની એક્શન હિરોની ઈમેજને જાળવી રાખવા માટે પણ આ ફિલ્મમાં કોઈ નવો પ્રયોગ થાય એ જરૂરી હતુ એટલે પ્રદિપ પટેલ નિર્મિત અને ગજેન્દ્ર મહિડા દિગ્દર્શિત આ ફિલ્મમાં હવે જામશે કાદવમાં ફાઈટ.
સૌજન્ય : http://dhollywoodfilms.com/
