“છેલ્લો દિવસ જોઈ?”
“ના યાર જવું છે, ક્યાં ચાલે છે ? આજે જ જોઈ આવું”
“બે રહેવા દે, ટિકિટ નહી મળે, હાઉસફૂલ જાય છે.”
આવી ચર્ચા યંગસ્ટર્સમાં રોજ
સાંભળવા મળે છે. કિટલી કલ્ચરવાળી આજની જનરેશન હોલિવૂડની ભૂલીને આપણી ગુજરાતી
ફિલ્મની ચર્ચા થાય... એ જ સોલિડ મજા આવે એવી વાત છે. કૃષ્ણદેવ યાજ્ઞિક દિગ્દર્શિત ‘છેલ્લો દિવસ’ એ કંઈ પહેલી ફિલ્મ નથી જેની ચર્ચા થતી હોય... હમણાં હમણાં ગુજરાતી ફિલ્મની
ચર્ચાઓ જામી છે. આ પહેલા ઈશાન રાંદેરિયા દિગ્દર્શિત ‘ગુજ્જુભાઈ ધ ગ્રેટ’, તેમજ અભિષેક જૈનની ‘બે યાર’ અને ‘કેવી રીતે જઈશ’ ફિલ્મની લોકોમાં ચર્ચા થઈ છે, અને સાથે ફિલ્મ વખણાઈ પણ છે. તો આ ફિલ્મોએ
બોક્સઓફિસ પર બિઝનેસ પણ સારો કર્યો છે.
આ સિવાય પણ કિર્તન પટેલની ‘બસ એક ચાન્સ’, વિજયગીરીની ‘પ્રેમજી’ સહિતની એવી પણ ફિલ્મ્સ છે, જે પણ ચર્ચામાં રહી. પરંતુ તેને
બોક્સઓફિસ પર ધારી સફળતા ન મળી. ગુજરાતી ફિલ્મ્સમાં આવેલા આ પરિવર્તનનું એક કારણ
યંગિસ્તાન મનાય છે. યુવા... આ એવું ફેક્ટર છે, જે મેકર અને ઓડિયન્સ બંને રીતે
ગુજરાતી ફિલ્મ સાથે જોડાયું અને ફિલ્મનો ‘છેલ્લો દિવસ’ આવે એ પહેલા સારા દિવસની
દિશા તરફ એક પછી એક ફિલ્મ આગળ વધી રહી છે. ધ્વનિ ગૌતમની અપકમિંગ ફિલ્મ ‘રોમ-કોમ’ અને શીતલ શાહની ‘હુતુતુતુ’ તેમજ નંદિતા સિંઘાની ‘રેડ’ના પ્રોમોઝ સારા લાગી રહ્યા છે, તો ફૈઝલ હાશ્મીની ‘વિટામીન શી’ અને યુવરાજ જાડેજા દિગ્દર્શિત ‘ઓલ્વેઝ રહીશું સાથે’ ફિલ્મ ટાઈટલ પરથી જ મજ્જાના
વિષય સાથેની હશે એવી આશા છે.
આવા જ વિષય પર ગુજરાતી ફિલ્મના
ક્રિટીક કાર્તિકેય ભટ્ટ, દિગ્દર્શક અભિષેક જૈન અને દિગ્દર્શક ફૈઝલ હાશ્મી સાથે ટીવી-9 પર મજ્જાની ચર્ચા થઈ. તેની વીડિયો લીંક પર એક ક્લીક કરો.. અને જાણો કોણ કોણ સામેલ છે ગુજરાતી
ફિલ્મના યંગિસ્તાનમાં.
ગુજરાતી ફિલ્મનું યંગિસ્તાન -1
ગુજરાતી ફિલ્મનું યંગિસ્તાન -2
ગુજરાતી ફિલ્મનું યંગિસ્તાન -3